Chelsea ayaa lagu soo waramayaa inay ku biirtay tartanka loogu jiro saxiixa khadka dhexe ee Leeds United Kalvin Phillips xagaagan.
Ciyaaryahanka heerka caalami ee dalka England ayaa la dhibtoonayay dhaawacyo intii lagu jiray xilli ciyaareedkii 2021-22, laakiin wuxuu weli awooday inuu diiwaan galiyo hal gool iyo hal caawin 23 kulan oo uu u saftay Leeds tartamada oo dhan.
Phillips ayaa ku soo bilowday 18 kulan oo Premier League ah iyadoo kooxda Jesse Marsch ay xaqiijisay badbaadada heerka sare maalintii ugu dambeysay, laakiin qandaraaskiisa Elland Road ayaa hadda waxaa ka harsan labo sano oo kaliya.
Manchester City iyo Manchester United ayaa lagu tiriyaa inay xiiseynayaan Phillips, kaasoo sidoo kale la fahamsan yahay inay isha ku haayan Aston Villa iyo Newcastle United.
Phillips ayaa dhaliyay 14 gool waxaana uu caawiyay 13 gool 234 kulan oo uu u saftay kooxda Cadaanka tan iyo markii uu ka soo kacay da’yarta, halka uu haatan sidoo kale 20 kulan u saftay England.
