Bayern Munich ayaa lagu soo waramayaa in ay kor u kacday cabsida ku saabsan in Robert Lewandowski uu jeexjeexo heshiiska uu kula jiro kooxda si uu ugu biiro Barcelona xagaagan.
33 jirkaan ayaa si cad uga hadlay rabitaankiisa ku aadan inuu ka tago kooxda heysata horyaalka Bundesliga isbuucyada soo socda, xilli ay xiiseynayaan Barcelona, laakiin Bayern ayaa ku adkeysaneysa in weeraryahanka uu dhameysan doonto inta qanadaraaskiisa uga hadhay.
Barcelona ayaa heysata arimo ay ku maalgalineyso ciyaaryahanka heerka caalami ee dalka Poland sababo la xiriira dhibaatooyinka dhaqaale ee joogtada ah, iyadoo lagu soo waramayo in laga doonayo €32m (£27.4m) oo ah lacag lagu doonayo in Bavarian-ka ay ku iibiso Lewandowski inta lagu guda jiro suuqa kala iibsiga ee soo socda.
Lewandowski ayaa Bayern ka caawiyay in ay ku guulaysato siddeed ka mid ah 10-kii koob ee isku xiga ee Bundesliga tan iyo markii uu si xor ah uga soo wareegay Borussia Dortmund 2014, isagoo u dhaliyay 344 gool 375 kulan oo uu u saftay kooxda tartamada oo dhan.
